Wan Berkah Kite Munyatu

Mejen aku lale gere terukur sehinge deletu gelas si mupecah,
tangke si mutewah, orom cerak salah luah.
Mejen kerna karu ku oloktu naos lucu,
si kerna mungkin kendali ni rembege awamtu besebuku.
Ken derhal ni delah, tangkap ni rupemu rupen ken sara ikot penyenang nateku.
Senang kerna gaehe kunul belembuku,
ari lemut ni tutur ringkel peden ne sawah ku muk muk ni ulu.

Dele ni surak sebuku si nge berjelen sarapeh gara sawah ku tujuen,
sehinge timul Kedik ni kerudik bisik sisu ari kiri kuen.
Gere ari kerna mokote aku pukekelpoh,
renye kona recak rencana wan panyang opoh.
Tapi ari kerna denemku nge musara sagi,
sawahe kati nguk ateku murai.
ari kerna paite nge ken lungi,
sawahe kati nguk temas naos kupi.
Kadang caraku mutauk gere oloktu ken tempuh ni bibir,
pumuku gere oloktu pane ken rilah ni sutir,
tapi harapku buge sawah ringkel kekiren si male ilen berjelen
orom si enge ken tempuh luah wan sara arah.

Do’aku tetap wan lingang kite munyatu,
Lemem naos cerite orom ate mugerutu.
Lemem naos tingkah orom langkah wan berakah,
kati nguk I rasa payah mupaedah I osah ilahi robbiy sebeb musebeb si muberkah.



   - Isya Andika, 13 April 2017